Aðstandendur

Að baráttufundi á Arnarhóli á kvennafríi 24. október 2018 standa eftirfarandi samtök kvenna og launafólks:

Aflið

Aflið – Samtök gegn kynferðis- og heimilisofbeldi eru einu félagasamtökin á landsbyggðinni sem veita þolendum ofbeldis ráðgjöf þeim að kostnaðarlausu. Aflið býður einnig upp á fræðslu og kynningar fyrir þá sem eftir því óska.

Alþýðusamband Íslands

Alþýðusamband Íslands er stærsta fjöldahreyfing launafólks á landinu. Um tveir þriðju hlutar launamanna í skipulögðum samtökum á Íslandi eru í ASÍ. Alþýðusambandið berst fyrir bættum kjörum félagsmanna sinna og stendur vörð um réttindi þeirra.

ASÍ-UNG

ASÍ-UNG eru samtök ungs fólks innan verkalýðshreyfingarinnar sem sér um að kynna ungu fólki á vinnumarkaði réttindi þeirra og skyldur og einnig starfsemi og stefnumótun stéttarfélaganna.

Bandalag háskólamanna

Bandalag háskólamanna var stofnað árið 1958 og er bandalag 26 fag- og stéttarfélaga háskólamenntaðs fólks á íslenskum vinnumarkaði. Félagsmenn aðildarfélaga bandalagsins voru rúmlega 13.000 talsins um mitt ár 2018.

Bandalag kvenna í Reykjavík

Bandalag kvenna í Reykjavík (BKR) hefur frá upphafi verið öflugt félag með bætta stöðu kvenna og uppbyggingu samfélagslegrar þjónustu að leiðarljósi, með áherslu á mennta-, fjölskyldu- og velferðarmál

BSRB

BSRB eru stærstu samtök opinberra starfsmanna á Íslandi. Í dag eiga 25 stéttarfélög aðild að BSRB, fjöldi félagsmanna rúmlega 21.000 og eru um tveir þriðju félagsmanna konur.

Delta Kappa Gamma, félag kvenna í fræðslustörfum

Delta Kappa Gamma eru alþjóðleg samtök kvenna í fræðslustörfum.

Druslubækur og doðrantar

Druslubækur og doðrantar eru menningarsamsteypa fimmtán bókhneigðra kvenna sem stunda fjölbreytt ritstörf.

Druslugangan

 

Efling

Efling – stéttarfélag er annað stærsta verkalýðsfélag landsins. Tilgangur félagsins er að berjast fyrir efnahagslegum hagsmunum verkafólks og að efla og styðja hag félagsmanna og menningu.

Eining-Iðja

Eining-Iðja er stærsta verkalýðsfélag á landbyggðinni. Félagið kappkostar að standa vörð um hagsmunamál allra þeirra sem starfa á félagssvæðinu.

Femínísk fjármál

Femínísk fjármál, félag sérfræðinga og áhugafólks um kynjuð fjármál. Tilgangur félagsins er að efla þekkingu á kynjuðum fjármálum og veita stjórnvöldum aðhald.

Femínistafélag Háskóla Íslands

Femínistafélag Háskóla Íslands er þverpólitískt félag háskólanema sem vilja berjast fyrir jafnrétti kynjanna.

Félag íslenskra hjúkrunarfræðinga

Félag íslenskra hjúkrunarfræðinga er fag- og stéttarfélag hjúkrunarfræðinga. Félagið var stofnað árið 1919 og er með rúmlega 3000 félagsmenn, þar af 98% konur. Þetta er stærsta stéttarfélagið meðal heilbrigðisstétta og eru hjúkrunarfræðingar ein stærsta kvennastétt landsins.

Félag kvenna í atvinnulífinu

FKA – Félag kvenna í atvinnulífinu er félag fyrir konur sem eru stjórnendur og leiðtogar í íslensku atvinnulífi. FKA stuðlar að öflugu tengslaneti, sýnileika kvenna og stendur fyrir hreyfiaflsverkefnum sem efla jafnvægi í íslensku atvinnulífi.

Félag um Fjöruverðlaunin

Félag um Fjöruverðlaunin – bókmenntaverðlaun kvenna á Íslandi stuðlar að aukinni kynningu á ritverkum kvenna og hvetur konur í rithöfundastétt til dáða.

IceFemIn

IceFemIn – Icelandic Feminist Initiative – eru nýstofnuð samtök íslenskra kvenna sem munu beita sér í þágu kvenfrelsis, jafnréttis og jöfnuðar hérlendis og erlendis. Í IceFemIn eru konur sem um árabil hafa unnið að kvenfrelsismálum og búa yfir mikilli reynslu á sviði stjórnmála, félagsmála og kynjarannsókna, einkum á vettvangi Kvennalistans.

Jafnréttisfélag Háskólans í Reykjavík

Jafnréttisfélagið var stofnað af Stúdentafélagi Háskólans í Reykjavík árið 2015 og eru meðlimir þess nemendur við skólann. Markmið félagsins er að stuðla að aukinni umræðu um jafnréttismál í víðum skilningi jafnt innan veggja skólans sem utan.

Kennarasamband Íslands

Kennarasamband Íslands er stéttarfélag, bakhjarl og málsvari kennara á öllum skólastigum. Félagar KÍ eru 10.500 í sjö aðildarfélögum.

Knúz.is

Tilgangur vefritsins www.knuz.is er að stuðla að jöfnuði og frelsi undan feðraveldinu og þar með öllum birtingarmyndum þess, svo sem kúgun og mismunun í samfélaginu. Markmið Knúz er einnig að vekja fólk til umhugsunar um viðteknar hugmyndir um kyn og kynhlutverk í þjóðfélaginu.

Kvenfélagasamband Íslands

Kvenfélagasamband Íslands er málsvari og samstarfsvettvangur kvenfélaganna í landinu og héraðssambanda þeirra.

Kvennakirkjan

Kvennakirkjan er sjálfstæður hópur innan þjóðkirkjunnar.   Hún byggir starf sitt á kvennaguðfræði sem er guðfræði daglegs lífs frjá sjónarhóli kvenna .

Kvennahreyfing ÖBÍ

Kvennahreyfing ÖBÍ er vettvangur fyrir fatlaðar og langveikar konur til að deila reynslu, fræðast og vinna að hagsmunum hópsins í samfélaginu.

Kvennaráðgjöfin

Kvennaráðgjöfin er ókeypis lögfræði- og félagsráðgjöf fyrir konur. Megintilgangurinn er að veita konum stuðning og ráðgjöf, en Kvennaráðgjöfin er opin öllum, bæði konum og körlum. Þjónustan er endurgjaldlaus og þurfa þeir sem til okkar sækja ekki að gefa upp nafn eða aðrar persónuupplýsingar

Kvennasögusafn Íslands

Kvennasögusafn Íslands var stofnað í heimahúsi 1. janúar 1975 og hefur verið hluti af Þjóðarbókhlöðunni síðan 1996. Það aflar heimilda og miðlar þekkingu um kvennasögu og kvennasögurannsóknir.

Kvenréttindafélag Íslands

Kvenréttindafélag Íslands var stofnað árið 1907 af Bríeti Bjarnhéðinsdóttur og hefur starfað að bættri stöðu kvenna í 110 ár. Markmið félagsins er að vinna að kvenréttindum og jafnri stöðu kynjanna á öllum sviðum samfélagsins. Félagið leggur áherslu á mannréttindi í víðum skilningi og vinnur gegn hvers konar mismunun.

MFÍK
Menningar og friðarsamtökin MFÍK eru elstu nústarfandi friðarsamtök á Íslandi. Markmið kvenna í samtökunum er m.a. að berjast fyrir alheimsfriði og afvopnun, almennum mannréttindum og jafnrétti.
Rótin

Rótin er félag um málefni kvenna með áfengis- og fíknivanda og markmið þess er að stofna til umræðu um konur, fíkn, áföll, ofbeldi og geðheilbrigði og huga að sérstökum meðferðarúrræðum fyrir konur.

Samtök starfsmanna fjármálafyrirtækja

Samtök starfsmanna fjármálafyrirtækja – skammstafað SSF – er stéttarfélag starfsmanna í bönkum, sparisjóðum og fjármálafyrirtækjum.

Samtök um kvennaathvarf

Kvennaathvarfið er neyðarathvarf fyrir konur og börn þeirra sem ekki geta búið heima hjá sér vegna ofbeldis. Í athvarfinu er jafnframt hægt að fá ráðgjöf og stuðningsviðtöl án þess að til dvalar komi eða hringja í síma athvarfsins sem er opinn allan sólarhringinn.

Samtökin ’78

Samtökin ’78 eru hagsmuna-og baráttusamtök hinsegin fólks á Íslandi. Markmið félagsins er að lesbíur, hommar, tvíkynhneigðir, eikynhneigðir, pankynhneigðir, intersex fólk, trans fólk og annað hinsegin fólk sé sýnilegt, viðurkennt og njóti fyllstu réttinda í íslensku samfélagi.

Soroptimistasamband Íslands

Soroptimistar eru alþjóðasamtök kvenna sem vinna saman að því að mennta, styrkja og gera konum og stúlkum kleift að bæta líf sitt.

Stelpur rokka!

Stelpur rokka! eru femínísk félagasamtök sem efla og styrkja ungar stelpur, trans og kynsegin ungmenni í gegnum tónlistarsköpun og jafnréttisfræðslu.

Stígamót

Stígamót eru grasrótarsamtök gegn kynferðisofbeldi. Á Stígamótum er boðið upp á ráðgjöf og fræðslu fyrir brotaþola, aðstandendur, skólahópa, fagfólk og fleiri.

Ungar athafnakonur

Ungar athafnakonur vilja stuðla að samfélagi þar sem konur og karla standa jafnfætis og bjóðast sömu tækifæri. Markmiðið er að styrkja stöðu og framtíð ungra kvenna sem stjórnendur og þátttakendur í atvinnulifinu.

UN Women

Landsnefnd UN Women á Íslandi eru frjáls félagasamtök sem starfar í þágu UN Women. Með fjáröflun og vitundarvakningu að leiðarljósi starfar landsnefndin að valdeflingu kvenna og stúlkna og auka kynjajafnrétti um allan heim.

VR

VR er stærsta stéttarfélag landsins með hátt í 40 þúsund félagsmenn, meira en helmingur þeirra er konur. Ein af megináherslum VR síðustu áratugi hefur verið að jafna stöðu kvenna og karla á vinnumarkaði og hefur félagið verið í fararbroddi verkalýðshreyfingarinnar í þeirri baráttu.

WIFT – Konur í kvikmyndum og sjónvarpi

Wift (Women in Film and Television) á Íslandi eru Samtök kvenna í sjónvarpi og kvikmyndum,  með það aðalmarkmið að stuðla að fjölbreytni í myndrænum miðlum með því að virkja konur, gera þær sýnilegri og styðja þátttöku þeirra í öllum hlutverkum í framleiðslu kvikmynda og sjónvarpsefnis.

W.O.M.E.N. in Iceland – Samtök kvenna af erlendum uppruna

Hlutverk Samtakanna er að sameina, takast á við og ljá hagsmuna- og áhugamálum kvenna sem sest hafa að á Íslandi rödd. Markmið Samtakanna er að vinna að jafnrétti og jafnri stöðu kvenna af erlendum uppruna á öllum sviðum þjóðlífsins.

Zontasamband Íslands

Zonta eru ein af leiðandi tengsla- og þjónustusamtökum kvenna í heiminum. Zonta styður konur á heimsvísu í gegnum þjónustuverkefni og berst fyrir réttindum kvenna.